Gweinyddwr Datgarboneiddio’r Fflyd Cerbydau

Skip to content Skip to content

Gweinyddwr Datgarboneiddio’r Fflyd Cerbydau
Rhan-amser 22 awr yr wythnos dros 5 diwrnod (Dydd Llun - Dydd Gwener)
Cyflog Graddfa 3 | Pencadlys Llanion, Doc Penfro

Swydd yw hon i reoli’r fflyd cerbydau yn ddiogel, yn effeithlon ac yn gynyddol gynaliadwy yn Awdurdod Parc Cenedlaethol Arfordir Penfro.
Rydym yn chwilio am Weinyddwr Datgarboneiddio’r Fflyd Cerbydau sy’n drefnus ac yn ddibynadwy i gydlynu’r gwaith gweinyddol dyddiol o reoli ein cerbydau, a chynorthwyo gwaith ehangach ein tîm Datgarboneiddio.
Ynglŷn â'r swydd
Mae hon yn swydd amrywiol ac ymarferol i gyflawni’r canlynol:
• Cydlynu’r gwaith o wasanaethu cerbydau, y cynnal a chadw, y galwadau yn ôl am resymau diogelwch, ac adnewyddu treth cerbydau.
• Cynnal cofnodion cywir am y fflyd, y treuliau a’r data carbon.
• Cysylltu â gyrwyr, cydweithwyr, yswirwyr, cyflenwyr a chwmnïau llogi allanol.
• Goruchwylio’r trefniadau cerbydau pwll a llogi cerbydau allanol.
• Cynhyrchu adroddiadau a chlustnodi ffyrdd o wella prosesau’r fflyd.
• Cynnal gweithrediadau ein pencadlys yn gadarn, gan gynnwys agor a chau'r swyddfa pan fydd gofyn.

Amdanoch chi
Byddwch yn weinyddwr effeithiol â sgiliau trefnu rhagorol a sylw manwl i fanylion. Yn gyfforddus yn rheoli blaenoriaethau cystadleuol, byddwch yn cyfathrebu'n hyderus ag ystod eang o bobl ac yn gweithio'n dda yn annibynnol ac fel rhan o dîm.

Byddem wrth ein bodd yn clywed gennych os oes gennych y canlynol:
• Profiad gweinyddol blaenorol.
• Trwydded yrru lawn yn y DU.
• Gwybodaeth dda am Microsoft 365.
• Dealltwriaeth o arfer da o ran cynnal a chadw cerbydau.
• Sgiliau cadarn o gyfathrebu, cynllunio, rheoli amser a datrys problemau.
• Agwedd hyblyg, gyfrifol a dibynadwy.

Byddai profiad o weinyddu fflyd, prosesau ariannol neu gaffael yn fantais. Mae sgiliau yn y Gymraeg yn ddymunol, a gall yr Awdurdod gynorthwyo gweithwyr i ddatblygu eu sgiliau lle bo angen.
Cyfeirier at y disgrifiad swydd (sydd ar gael i'w lawrlwytho) am ragor o wybodaeth.


Cyflog a Buddion:
Cyflog o £27,709- 28,142 (pro rata) y flwyddyn, lleiafswm o 25 diwrnod o wyliau yn codi i 30 diwrnod ynghyd â gwyliau cyhoeddus, cynllun pensiwn hael llywodraeth leol, trefniadau gwych o weithio oriau hyblyg a chyfleoedd datblygu gyrfa.

Rydym wedi ymrwymo i gyfle cyfartal i bob aelod o staff, ac anogir ceisiadau gan unigolion waeth beth fo'u hoedran, anabledd, rhyw, ailbennu rhywedd, cyfeiriadedd rhywiol, beichiogrwydd a mamolaeth, hil, crefydd neu gred a phriodas a phartneriaethau sifil.

Rydym yn addo gwella amrywiaeth ein gweithlu ac felly'n gwarantu cyfweliad i ymgeiswyr anabl, sy'n bodloni meini prawf hanfodol y swydd ac yn dewis gwneud cais drwy ein Cynllun Cyflogwyr Hyderus o ran Anabledd.
Rydym wedi ymrwymo i sicrhau bod ein proses recriwtio yn hygyrch i bawb. Os oes angen unrhyw addasiadau rhesymol arnoch ar unrhyw gam o’ch cais, anfonwch e-bost at [email removed] neu ffoniwch [phone removed]. Rydym yn croesawu ymgeiswyr sy’n defnyddio cwn cymorth a byddwn yn sicrhau y gallant fod gyda chi drwy gydol y broses recriwtio. Os oes angen unrhyw drefniadau penodol neu gymorth ychwanegol arnoch, rhowch wybod i ni a byddwn yn gwneud ein gorau i ddiwallu eich anghenion. Gellir darparu gwybodaeth mewn fformatau amgen, gan gynnwys Word, PDF hygyrch, print bras, sain a fformatau eraill ar gais.
Nid y swydd iawn i chi? Cofiwch gael golwg ar ein gwefan am ystod eang o gyfleoedd gwirfoddoli amrywiol a diddorol ar draws y Parc.

Dyddiad Cau: 25/10/2026
Mae Awdurdod Parc Cenedlaethol Arfordir Penfro yn neilltuo’r hawl i gau'r swydd wag hon yn gynnar.
Defnyddio Deallusrwydd Artiffisial a Chywirdeb Gwybodaeth:
• Deallwn y gall ymgeiswyr ddewis defnyddio offer megis deallusrwydd artiffisial cynhyrchiol i gynorthwyo’r gwaith o baratoi eu cais. Er y caniateir defnyddio’r cyfryw offer, cyfrifoldeb llwyr yr ymgeisydd yw sicrhau bod yr holl wybodaeth a gyflwynir yn ffeithiol gywir, yn wir, ac yn cynrychioli eu sgiliau, eu profiadau a'u cymwysterau hwy eu hunain.
• Gall cyflwyno gwybodaeth sy'n ffug, yn gamarweiniol, neu wedi'i gorliwio, p'un a gafodd y wybodaeth ei chynhyrchu gan Ddeallusrwydd Artiffisial ai peidio, olygu eich bod yn anghymwys i fod yn rhan o'r broses recriwtio neu olygu eich diswyddo os caiff hynny ei ddarganfod ar ôl penodi.
• Drwy gyflwyno'r cais hwn, rydych yn cadarnhau bod yr holl gynnwys a ddarperir yn gywir ac wedi'i gyflwyno'n ddidwyll.

Date Posted:
13th October 2026

Job Ref:
FDA1026

Type:
Permanent

Status:
Part Time

Share this Job

Connect

Connect with us on Linkedin

Join the discussion on Twitter